1 | |
AF268: 68v [Selīm‑nāme] Sulṭān Selīm bin Bāyezīd ḫān merḥūmuñ menāqıb‑i der kerāmetidür ki ḥażret‑i Sulṭān Murāduñ ḫᵛācesi gendi vālidi Ḥasan Cāndan // istimāʿ ėdüb silk‑i taqrīr [?] u sumuṭ‑i [?] taḥrīre naẓm ėtmişdür ve Ḥasan Cān [!] merḥūm Sulṭān Selīm‑i // mezbūruñ ḫavāṣṣ odasında ḫidmetde olan ġılmān ʿıdādından maʿdūd ve ḫāylī maqbūl u [...] idi // muṣāḥib imiş ve s‑selām bi‑smi llāhi r‑raḥmāni r‑raḥīm ḥamd u sipās u şükr‑i bī‑qıyās mülkü n‑nās dergāhına ki her ʿaṣrda bir ʿabd‑i maqbūlını sezāvār‑i ẓılliyet // ėdüb farq‑i farqad‑sāyını tāc‑i bā‑ibtihāc salṭanet ve qāmet‑i bāhirü l‑istiqāmetini ḫılʿat‑i ḥılāfet ile // müzeyyen ve maḥalli wa-rafaʿnā baʿḍahum fawqa baʿḍin feḥvāsı iḫtivāsı [!] ḥasebince qadr‑i bülendlerin refīʿ ü muʿallā // eyledi ve ṣılāt‑i ṣalāt u selām ol ḥabīb‑i seyyidü l‑enām ʿālī maqām südre ḥarām mümeyyizü l‑ḥalāl // ʿan el‑ḥarām seyyidü l‑enām ḥażretine ki şāriʿ‑i şerʿ‑i muṭahherinden inḥirāf ėtmeyen rāst‑rū selāṭīn‑i // şerīʿet‑penāhı mezīyet‑i bāhire ile mübāhī ėdüb yümn‑i ʿadl ü eşfāq ile nīkū‑seyr olanları // ẕikr‑i cemīlle mümtāz u kerāmāt‑i ʿālīye ile maẓhar‑i iʿzāz eyledi ṣallā llāhu ʿaleyhi ve ṣallā llāhu ʿalayhi wa‑ʿalā ālihī wa‑aṣḥābihī l‑mutaʾaddibīna bi‑ādābihī çün rāviyān‑i iḫbār u ḥaviyān‑i ās̱ār olan aṣḥān‑i ʿirfān‑i ḫāne‑dān‑i [?] // ebed peymān‑i Āl‑i ʿOs̱mān qaddese llāhu taʿālā ervāh aslāfihim wa‑abbada fī l‑aqālīmi ḫilāfata aḫlāfihim // menāqıbını naql u beyān u ās̱ār‑i marżīyelerin ṣaḥāyif üzre ʿıyān ėtmişler bu ḥaqīr‑i kes̱īrü l‑taqṣīr daḫı // qaṣd ėtdüm ki merḥūm vālidden istimāʿ ėtdügüm baʿżı menāqıb u ḥikāyātdan ki sulṭān‑i cennet‑mekān fātiḥü l‑ʿarab // ve l‑ʿacem Sulṭān Selīm Ḫān ʿaleyhi r‑raḥmeti ve r‑rıżvān ḥażretlerine müteʿalliq yād‑dāşt içün nigāşte‑i kilk‑i bedīʿü // l‑silk ėdem ve altı yıl şeref‑i qurb‑i ḫidmetlerinde merāsim‑i ʿubūdīyeti tekmīl ü maẓharīyet‑i ḫiṭāb‑i mustaṭāba // liyāqat rütbesin taḥṣīl ėtmekle bi ẕ‑ẕāt müşāhede ėtdügi aḥvāli ḥikāyet ve ḫāṭırda qalan // baʿżı ṣaḥīḥ iḫbārı rivāyet eyleyem tā ṣaḥīfe‑i rūzgārda yādigār ve vesīle‑i celb‑i duʿā ve raḥmet‑i perverde‑gār ola |